+7 سنين ف الصين · سنتين ف المغرب

السلعة ديالكمن الصينحتى لباب المحل.

كنلقاو ليك المعمل، كنتأكدو منو، كنفتشو السلعة، كنشحنوها، كنخرجوها من الديوانة وكنوصلوها ليك. شخص واحد مسؤول على الملف ديالك من الأول حتى للخر.

★★★★★
آراء الكليان ف Google
بحري · جويمن كرطونة حتى كونتونير
DDPمن المعمل حتى لباب المحل
TGL Global● متصل دابا
1 / 5
خدمة DDPالبحث على المورد ف الصينالتحقق من المطابقةالتفتيش ومراقبة الجودةشحن بحري (groupage ولا كونتونير)شحن جويالتخليص الجمركيالتوصيل لكل المدنالاستشارةالماكينات والمعداتالطوموبيلات
الخدمات

كلشي ف بلاصة وحدة.
نتا ركز على البيع.

كاتخدم معانا ف مرحلة وحدة ولا ف الطريق كاملة. شي كليان عندهم المورد وكيبغيو غير الشحن والديوانة، وشي وحدين جاو غير بتصويرة.

خدمة DDP: من المعمل حتى لباب المحل

كنتكلفو بكلشي: الشراء، الشحن، الديوانة والتوصيل. نتا كتخلص ثمن واحد واضح، وكتستلم السلعة ف المخزن ديالك.

حفارة CAT 320C
حفارة CAT 320C من الملفات ديالنا

البحث على المورد (Sourcing)

كنقلبو على المعامل، كنقارنو العروض، وكنفاوضو على الثمن والشروط ف بلاصتك.

التحقق من المطابقة

كنتأكدو من الوثائق ديال المعمل، وبلي السلعة مطابقة للطلب ديالك وللمعايير اللي كيطلب المغرب.

التفتيش ومراقبة الجودة

قبل الشحن كنفتشو السلعة ف المعمل وكنصيفطو ليك الصور. ما كتخلص الباقي حتى توافق.

الشحن البحري والجوي

Groupage (LCL) للكميات الصغيرة، كونتونير كامل (FCL)، ولا جوي للحاجة اللي زربانة.

التخليص الجمركي

كنوجدو الوثائق وكنخرجو السلعة من الميناء. كتعرف شحال ديال الديوانة قبل ما توصل السلعة.

الاستشارة (Consulting)

عندك مشروع؟ كنعاونوك تختار المنتوج، تحسب التكلفة، وتعرف الوثائق اللي خاصك قبل ما تبدا.

كيفاش كتمشي السلعة ديالك

تبع الرحلة.
كل مرحلة فيها صورة.

ماشي كلام. صور.

شحنات حقيقية خرجات من الصين

هادو صور من ملفات ديال الكليان ديالنا: ف المعمل، ف الكونتونير، وملي توصل.

ماكينة البريك مربوطة ف الكونتونير
ماكينة ديال البريك + القوالبالصين ← المغرب · كونتونير 20 قدم
Kia EV5 رمادية
Kia EV5 كهربائيةطوموبيل من الصين
خزانات الحمام ف المعمل
خزانات ديال الحمامالتفتيش ف المعمل قبل الشحن
تراكس (backhoe loader)
معدات البنيتراكس · ماكينات صناعية
الداخل ديال Kia
كنتأكدو من كل تفصيلةصور من الداخل قبل الشحن
ما تتيقش فينا. تيق فيهم.

كلام الكليان،
كما كتبوه ف Google

Google Mapsقرا كاع الآراء ←
★★★★★

"بصراحة تجربة زوينة بزاف مع TGL Global. كنت متردد فالأول ولكن شرحوا ليا كل خطوة فالإستيراد من الصين، من اختيار المورد حتى الشحن والتخليص الجمركي. التواصل ديالهم سريع وواضح، وماكان حتى شي مشكل."

HHunter X HunterGoogle Maps
★★★★★

"خدمة ممتازة وتعامل احترافي 👍 سهلوا عليا الاستيراد من الصين من الأول حتى للتخليص الجمركي. ثقة، سرعة فالتواصل، وخدمة فالمستوى."

AABDO KAIROGoogle Maps
★★★★★

"Sara7a service zwin/pro. Le delais de livraison me39ola et la qualite de produit bhal li kent baghi"

WWalid DachGoogle Maps
★★★★★

"تجربة إيجابية بزاف معاكم! التعامل ديالكم زوين والمنتجات كانت مطابقة للمواصفات."

HHayatGoogle Maps
★★★★★

"استوردنا عبر الشحن الجوي ✈️ وكلشي وصل بسرعة. خدمة احترافية وتواصل واضح من البداية حتى التخليص الجمركي."

GGptsGoogle Maps
A"Top service sl3a katji f lwe9t"★★★★★ G"تجربة ناجحة، كلشي كان واضح ومنظم، والنتيجة فالمستوى."★★★★★ K"Meilleur service et sans accroc 🔝"★★★★★ B"Une expérience inoubliable, merci l'équipe. 3takom lah seha"★★★★★
الطريقة ديالنا

4 حوايج كنلتازمو بيهم ف كل ملف

01

المعمل متحقق منو

كنتأكدو من الوثائق ديال المعمل قبل ما تخلص العربون.

02

كتشوف قبل ما تخلص الباقي

صور ديال السلعة قبل الشحن. ما كتخلص الباقي حتى توافق.

03

عرض واضح بالدرهم

الشحن، الديوانة و TVA مكتوبين ف العرض قبل ما تبدا.

04

حساب بنكي واحد

الحساب ديالنا ما كيتبدلش. إلا جاك ميساج كيقول العكس، عيط لينا قبل ما تخلص.

الأسئلة

سول اللي بغيتي.

ما لقيتيش الجواب؟ صيفط لينا ف واتساب وكنجاوبوك.

سول ف واتساب
ما عنديش مورد. واش تقدرو تعاونوني؟

إيه. بزاف ديال الكليان كيبداو غير بتصويرة ولا لينك. كنقلبو على المعامل، كنقارنو العروض، كنتأكدو منهم، ونتا اللي كتختار.

كيفاش نعرف شحال غادي تجي الديوانة؟

الديوانة كتختالف على حساب المنتوج. كنحددو الكود ديال المنتوج ف الديوانة وكنحسبو الديوانة و TVA قبل ما تخلص، وكيكونو مكتوبين ف العرض ديالك.

شحال كتاخد السلعة باش توصل؟

كتختالف على حساب المنتوج والطريق. تقريبا: بحري من الصين لكازا 35 حتى 50 يوم من الباب للباب، وجوي 7 حتى 12 يوم. العرض ديالك فيه التواريخ.

واش كاين شي حد أدنى ديال الكمية؟

لا. للكميات الصغيرة كنستعملو الـ groupage (كتشارك الكونتونير مع ناس آخرين) ولا الجوي، باش يبقى الاستيراد مربح ليك.

شنو هي خدمة DDP؟

DDP معناها كنتكلفو بكلشي حتى لعندك: الشراء، الشحن، الديوانة، TVA والتوصيل. كتخلص ثمن واحد متفق عليه، وكتستلم السلعة ف الباب ديالك بلا ما تدخل ف الإجراءات.

واش كتستوردو غير من الصين؟

الصين هي الخبرة الأساسية ديالنا: أكثر من 7 سنين خدامين تما. وعلى حساب الطلب، كنخدمو حتى مع بلدان أخرى.

علاش نخدم معاكم وماشي نشري مباشرة من الأنترنيت؟

ملي كتشري مباشرة كتاخد ثمن القطعة وصافي. معانا كتاخد معمل متحقق منو، سلعة مفتشة، شحن مأمن وديوانة مخلصة، وشخص واحد مسؤول من الأول حتى للخر.

عندك سلعة ف بالك؟

عمر الطلب ف دقيقة، والفريق كيتاصل بيك بعرض واضح بالدرهم. ولا صيفط لينا تصويرة ف واتساب.